Arkitekti juaj personal

Historia e kompanisë daton që nga viti 1991, kur u themelua nga të rinj Arkitektë dhe Inxhinierë Civilë. Në fillim ajo quhej “Byro për projektimin e objekteve ndërtimore – LinProjekt”. Me kalimin e kohës, kompania u profilizua si e besueshme në projektimin e ndërtesave moderne rezidenciale.
Përveç projektimit, kompania filloi të merret edhe me ndërtim. Fillimisht me mbikëqyrje, dhe më pas me menaxhimin e projekteve të ndryshme.
Pas disa viteve përvoje, LinProjekt u bë një kompani serioze e projektimit dhe ndërtimit, duke punësuar rreth 70 punonjës dhe gjatë sezonit veror mbi 100 punonjës. Pas luftës në vitin 1999, kohë kur gjithçka në Kosovë ishte shkatërruar, LinProjekt vazhdoi operacionet aty ku kishte mbetur. Por këtë herë me teknologji moderne, cilësi më të lartë dhe kreativitet në projektim, ndërtim, rindërtim, renovim dhe prodhim.
Për vite me radhë, kompania ka punësuar profile të ndryshme profesionale si Arkitektë, Inxhinierë Civilë, Inxhinierë Elektrikë, Inxhinierë MEP, Gjeologë, Juristë, Teknologë, Ekonomistë, etj.Falë strukturës profesionale, spektrit të gjerë intelektual dhe moshës së re që e karakterizon këtë kompani, kompania ka arritur rezultate të suksesshme në të gjitha projektet.
LinProjekt ka mbi 100 punonjës të regjistruar, për të cilët të gjitha taksat paguhen në shtet. Kështu, kompania vazhdon të jetë një shembull për të tjerët.